Паша визит дене толмыж годым Федераций Советын Марий Эл деч сенаторжо Константин Косачев Шоя-Кузнецово психоневрологический интернатыште лийын.
Тудо тӧнежын пашаж дене палыме лийын, тушто илыше-влак дене мутланен. Марий Элын социальный вияҥмаш министрже Ольга Фёдорова пищеблок ден монча-вургемым мушмо блокым уэмдаш, тыгак илыме корпуслам кызытсе жаплан келшышын олмыкташ кӱлмӧ нерген ойлен.
Сенатор ден министр интернатын уста наставникше-влакын эртарыме репетицийыштышт лийыныт. «Университетын кумшо ийготшын» колыштшыжо-шамычым Россий студенчествын кечыж дене саламлыме годым Константин Иосифович волонтёр-влаклан тиде кӱлешан пашам умбакыжат шуяш тыланен.
Вашлиймаште О.Фёдорова педколлективлан да «ший» волонтер-шамычлан» стационар тӧнежлаштыже илыше-влаклан социально-психологический реабилитацийым эрташ полшымыштлан тауштымашан серышым кучыктен.
М.Иванова.
