Звенигово районысо Чакмарий каныме да тӱвыра рӱдерыште Чакмарий ял шотан илем администрацийым вуйлатыше Л.Скворцов калык дене вашлиймашым эртарен. Тушко Марий Эл правительстве председательын алмаштышыже И.Дравниеце миен.
Л.Скворцовын докладше почеш, 2018 ийыште Чакмарий кундемыште вич еш пӧртсийым палемден. Чакмарий селасе Рӱдӧ уремыште, Иркын ялысе Изи Иркын уремыште тыглай лампым светодиодан дене алмаштыме, тыгак селасе Школ ден Кӱшыл уремлаште понар-влакым олмыктымо. Пӱнчылӱвал, Сергушкин, Кожласола яллаште корным олмыктымо. Селасе Аркамбал уремыште да Пӱнчылӱвал ялыште пожар гидрантым уэмден олмыктымо. Ончыкыжым Чакмарий – Кугу Моламас автокорныш, селасе «Шӱдыр» йочасад гыч врач амбулаторий марте наҥгайыше корныш асфальтым опташ, Пӱнчылӱвал ялысе ик уремым олмыкташ да эше шуко пашам палемдыме.
Логин Митрофанович тыгак ял калыкын ятыр йодышышжлан вашештен.
М.ИВАНОВА.
