УВЕР ЙОГЫН

Иквереш погынаш огеш лий, но садак палемдат

2019-2020 тунемме ий мучашке лишеме. Тымарте тудым школ кумдыкышто иктешлыме гын, тений у коронавирус инфекций шарлымылан кӧра –мӧҥган-мӧҥгыштӧ.
Волжский районысо Шарача школын чолга тунемшыже-влакым кажне ийын 25 майыште П.И.Вишневеций лӱмеш диплом да стипендий дене палемдыме церемоний йӱлашке пурен ыле. Тений коронавирусын пандемийжылан кӧра «Пытартыш йыҥгыр» торжественный мероприятий лийын огыл, туге гынат полиграфический продукций дизайнер, Юлсер кундемын чолга еҥже, Марий да Йошкар-Ола епархийын пашаеҥже Денис Смирнов школ илышыште чолган участвоватлыше да кӧргӧ чон поянлыкым ончыктышо 26 тунемшым палемдаш чапле дипломым ямдылен. Волжский да Шернур епископ Феофан кажне документыш кидшым пыштен.
Диплом дене палемдыме церемоний дистанционный йӧн дене эрта гынат, тиде йӱла тунемше-шамычым школышто да илышыште поро пашам ышташ ончычсо семынак кумылаҥда.

М.ИВАНОВА

Опубликовать в Одноклассники

Добавить комментарий