27 июньышто Йошкар-Олаште тыгай лӱман фестиваль эртен. Тушко республикысе 11 район гыч 35 ияш марте ийготан 12 еш ушнен.
Мо оҥайже, нуно утларакше шуко шочшан лийыныт.
Пайремыште еш-влак иктеш-весышт дене мутланеныт, тӱрлӧ ой-каҥаш дене ваш-ваш палдареныт, конкурс ден викторинылаштат шкеныштым тергеныт.
Фестиваль мучаште участник-влак чыланат «Ший пӱян Ший Пампалче» марий йомак тоштерыште лийыныт.
Л.Камалетдинова.
