УВЕР ЙОГЫН

Ийгот погына гынат, чон огеш шоҥгем

Марий Эл Кугыжаныш Погынын социальный вияҥмаш комитетшын Оршанке районышто лектын эртарыме заседанийже лийын. Тушто Татарстан Республикын Кугыжаныш Погынжын еҥже-влакат участвоватленыт. Заседанийыште тыгак Марий Эл правительстве председательын алмаштышыже И.Дравниеце, социальный вияҥмаш министр О.Фёдорова, профессор Н.Морова  да молат лийыныт.

Заседанийын каҥашымашкыже лукмо йодыш-влак кокла гыч иктыже – кугурак тукымын интересше шотышто шуктымо паша (Марий Элыште «Демографий» национальный проектын «Кугурак тукым» федеральный проектшым илышыш пуртымо кышкарыште).

Марий Элын кугыжаныш кучем органже-влак калыкын илышыжым саемдыме пашалан кугу тӱткышым ойырат, илалше граждан-влаклан полшымо, ты шотыштак нунын ӱмырыштым кужемдыме да тазалыкыштым пеҥгыдемдыме шотышто тӱрлӧ мероприятийым ыштат. Нине положенийым илышыш пуртымо социальный практикым Йошкар-Олаште «Кумшо ийготын университетшын» да Оршанке муниципальный районын пашашт негызеш ончыктымо.

 Шке выступленийыштыже социальный вияҥмаш министр Ольга Фёдорова Россий президент Владимир Путинын Федеральный Погынымашлан посланийыштыже йоҥгалтше мутлам ушештарен: «Мемнан порысна – элнам вияҥдаш кугу надырым пыштыше илалше тукымлан чыла вере да эре полшаш».  

Мероприятийым мучашлыме годым Илга Дравниеце палемден: «Кугурак тукым верч тургыжланымаш – Марий Эллан 100 ий темме вашеш кучемын пашаштыже ик эн тӱҥлан шотлалтеш».

М.ИВАНОВА

 

Опубликовать в Одноклассники

Добавить комментарий