СЫЛНЫМУТ

ИЗИ ЛУДШО МОМ ВУЧА?

Российысе кугыжаныш йоча библиотеке да «Лудшым куштена» ассоциаций «Тӱнямбалсе йоча писатель-влаклан посланий» сылнымут конкурсым увертареныт. Йоча да подростко-шамыч кеч-могай элыште илыше  йоча писательлан (тыгак классик-влак лӱмешат лиеш) кӱчык эссем возышаш улыт. Могай произведенийым вучат, илышыште нунылан мо оҥай, мом палынешт – почын пуыман. Тыге серызе-влак шке лудшышт деке лишемыт, возышаш произведенийлан темым да сюжетым палемдат, а йоча-влак книгам шукырак лудаш тӱҥалыт.

Конкурсышто сеҥыше-влакым кок тӱшкаште: 8 гыч 12 ияш-влак да 13 гыч 16 ияш-влак коклаште – ойырат. Нунын лӱмышт 25 июньышто пале лиеш. Паша-влакым 25 май марте налыт.

Л.СЕМЕНОВА

Опубликовать в Одноклассники

Добавить комментарий