Лаштыкнан тачысе унаже – Марий самырык театрын актрисыже Галина СОЛОВЬЁВА.
Галина Провой кундем Чакмарийыште шочын-кушкын. Верысе школышто индеш классым тунем лекмекыже, И.С.Палантай лӱмеш тӱвыра да сымыктыш колледжыште шинчымашым нӧлтен. Эше студент пагытыштак театрын пашаче ешышкыже ушнен да режиссёрын пуымо рольжым ӱшанлын модеш. Тиддеч посна мыскара сынан концертлаште воштылчык оҥгыржо дене чӱчкыдынак калыкым воштылта. Ӱдыр кап дене кугужак огыл, а кӧргӧ вийже моткоч виян.
Театрыште тудлан могай рольым модаш келша? Артист сомылжо деч посна эше мом ыштылеш? Нине да моло нерген шкеж дене мутланымым лудаш темлена.
– Галина, изиэт годым кӧ лияш шоненат?
– Школышто тунемме годым шке класс вуйлатыше семын шукынжо педагог лияш шонат. Моло ӱдыр-влак дене пырля мыйынат лач тыгай шонымаш ушышто пӧрдын. Руш йылме да литературым але марий йылме ден литературым туныктышо лиймем шуын. Мылам математике предмет моткоч нелын пуалтын, садлан мӧҥгысӧ пашам ачам ышташ полшен. Книгам лудаш изиэм годсек моткоч йӧратем, тидлан ача-ава виеш нигунам шынден огытыл. Сочиненийымат возаш келшен.
– Но тый содыки колледжысе театр пӧлкаш тунемаш пуренат. Кӧ темлен?
– Индешымше классыште тунемме годым марий йылме ден литературым туныктышо Антонина Аркадьевна Андреева темлен да тунемаш пурен кертмемлан ӱшанен…
!!! Умбакыже «Марий Эл» газетыште лудаш темлена!!!
А.БАЙКОВА
