УВЕР ЙОГЫН

Землякышт лӱмеш — таҥасымаш

Звенигово районысо Эсмекпляк школышто землякышт Александр Григорьев лӱмеш спорт таҥасымаш эртен. 

Тиде снайпер-разведчик Чечняште контртеррористический операцийым эртарыме годым боевой заданийым шуктышыжла 2005 ий 21 февральыште ӱмыр лугыч лийын.

Тунемше-влак стадионышто лабиринт гоч  250 метрым, тыгак 1000 метрым куржыныт, отжиманийым ыштеныт, ядром кышкеныт, пневматический винтовко гыч лӱйкаленыт.

Таҥасымашын иктешлымашыж почеш, ӱдыр-влак коклаште икымше верыш 11-ше классыште тунемше Дария Молоствова  лектын. Рвезе-шамыч коклаште 10-шо классын тунемшыже Никита Иванов ойыртемалтын.

Л.Камалетдинова.

Опубликовать в Одноклассники

Добавить комментарий