Корным шотыш кондат Звенигово олаште корным тӧрлаташ республикын бюджетше гыч тений 4 миллионат 100 тӱжем теҥге ойыралтын.
Тиде окса дене Сеҥымаш кече вашеш Ленин ден Бутяков тӱҥ уремлам шотыш конденыт. Тыгак Вечеркин уремыште пазар кумдыкышто да Юл эҥер деке волымаште икымше тошкалтыш марте кумдыкыш асфальтым шареныт, Ростовщиков уремысе шуко пачеран ик пєрт кудывечыште корным ачаленыт.
Официальный торг деч вара аныклен кодымо окса дене оласе изирак уремлаштат 300 тӱжем теҥгеаш пашам шукташ йєн лийын.
Лишыл жапыште Бутяков уремыште тротуарым шотыш кондат. Тиде паша верысе калыкын тӱҥалтышыжлан полышым пуымо программе почеш шукталташ тӱҥалеш. Тудым илышыш пурташ 2 миллион теҥге ойыралтын.
Л.КАМАЛЕТДИНОВА.
