УВЕР ЙОГЫН

Еш-влак ава капиталлан электрон сертификатым налын кертыт

Пенсий фонд электрон сервисшым кумдаҥденак толеш. Ынде тудын полшымыж дене еш-влак ава капиталлан электрон сертификатым налын кертыт. Тылеч ончыч сертификатым пуымо але ава капитал дене пайдаланыме нерген йодмашым пуаш йӧным ыштыме ыле. 

Ава капиталлан электрон сертификатым ыштыме нерген йодмашым Пенсий фондын сайтыштыже але Кугыжаныш услуго-влак порталыште Личный кабинет гоч пуыман. Тылеч вара йодмашым пуышо гражданинлан верысе Пенсий фондыш личный аралымаш документым, тышке, мутлан, йоча-влакын шочмо нерген кагазышт пура, кондыман.

Ава капиталым пуымо нерген пунчал лекмек, электрон сертификат ден тудым пеҥгыдемдыше чыла документ гражданинын Личный кабинетышкыже толыт.

Марий Элыште тымарте электрон сертификатым Йошкар-Олаште да У Торъял посёлкышто илыше кок еш налын.

М.ИВАНОВА.

Опубликовать в Одноклассники

Добавить комментарий