УВЕР ЙОГЫН

Ежово селасе калык шке илемжын пайремыжым эртарен.

Лишкырак ыштен чылаштым ял пайрем…

Ежово селасе калык шке илемжын пайремыжым эртарен.

Тыгайже тыште шукертсек лийын огыл. Тенийсе пайремлан верысе тӱвыра  рӱдерын пашаеҥже-влак вуйын шогеныт да пеш оҥай программым ямдыленыт ыле. Игечыжат тудым эртараш мешаен огыл. Кугыеҥ дене пырля изирак ийготан-шамычымат весела да пайдале мероприятий-влак вученыт. Каласаш кӱлеш, тӱвыра пӧртын директоржо вашталтме дене калыкын кумылым нӧлтымӧ мероприятий-влакым эртарыме шотышто поснак чолгалык шижалтеш. Ты пашаш тений шошым Анна Митюкова толын. А ял пайрем эшежым тушто илыше-влак коклаште кылым пеҥгыдемдашат полша. Тудлан  ямдылалтме, тудым эртарыме татшат икте-весе деке лишкырак ышта.

Чылажат тӱвыра пӧрт воктенысе аланыште, олма сад лоҥгаште чылажат эртен. Ӱстембалне кажныжын гаяк суртышто ыштен кондымо сий пушланен. Изирак-влаклан тӧрштылашышт батутым ончылгоч шогалтеныт. Торжественный ужашым концерт сӧрастарен. Туштак шуко шочшан, ойыртемалтше еш-влакым чапландареныт, пӧлекым кучыктеныт. Спонсор семын верысе кевытым кучышо посна еҥ-влак полшеныт. Тӱрлӧ конкурс, модыш, таҥасымаш, эсогыл кидпашалан туныктымыо мастер-класс эртаралтын. Ежовысо Мироносицкий храм пеленсе мурышо йоча коллективат шке мастарлыкшым ончыктен. Марий ӱдырамаш-влак самырык-влакым сава денат солаш туныктеныт. Пайрем, ӱстел йыр шинчын, пырля сийлалтме, мурен-куштымаш дене мучашлалтын.

С.Носова.

Снимкыште: Ежово селасе пайрем годым.

А.Митюкован фотожо.

Опубликовать в Одноклассники

Добавить комментарий