3 гыч 7 май марте Санкт-Петербургышто «Мосты над Невой» куштымаш конкурс эртен.
«Балтийский дом» театрын сценыштыже Российын тӱрлӧ олаж гыч 900 еҥ мастарлыкым ончыктен. Марий Эл гыч тушко Йошкар-Ола гыч «Дебют» образцовый ансамбль миен да икымше степенян лауреат лӱм дене пӧртылын.
— Ме эше ик ошкылым ончыко ыштенна, сеҥышыш лектынна, — манеш ансамбль вуйлатыше Анна Прохорова. – Конкурс кугу кӱкшытыштӧ эртен. Тудо Ставрополь кундемысе, Липецк, Тюмень, Санкт-Петербург олаласе, Мурманск областьысе участник-влак дене палыме лияш да тусо мотор вер-шӧрлам ончен савырнаш йӧным ыштен.
А. БАЙКОВА