Пекиныште эртыше China Fire 2019 18-ше тӱнямбал выставкыште Юл кундем кугыжаныш технологий университет пеленысе «Мехатрон системе-влак» компаний пожар ваштареш виктаралтше сатуж дене палдарен.
ПГТУ-н командыже «Грунтомёт» у разработкыштым намиеныт. Тудын полшымо дене пожар пожар ваштареш минерализироватлыме полосам ышташ лиеш, тыге тул умбакыже шарлен огеш керт. «Мехатрон системе-влак» компанийым вуйлатыше А.Кудрявцевын мутшо почеш, тиде разработко кумдан палыме Tianben компанийын специалистше-влаклан келшен, нуно тудым кӱкшын акленыт. Тыге кызыт «Грунтомётым» Китайыш ужалыме шотышто вашмутланымаш кая.
Г.КОЖЕВНИКОВА
