КУЛЬТУР ДА ИСКУССТВО

«Гринландийым» вес ийлан кусарыме

«Гринландий» фестиваль жапыште заочно эртаралтше авторский муро, почеламут конкурс кажне гана ятыр участникым чумыра. Нунышт Российын тӱрлӧ кундемже гыч веле огыл, лишыл да тора йот элла гычат улыт. Тений оргкомитетыш 75 регион, тыгак 11 эл гыч 3125 йодмаш пурен.

«Я люблю тебя, жизнь» конкурсышто жюри 10 лауреатым да 32 дипломантым палемден. Фестивальын сайтыштыжак конкурсышто «Калык сеҥыше» лӱмым налшаш верч йӱклымаш эртен. Тушко кумылан кажне еҥ ушнен кертын. Йӱклымашке чылаже 29536 еҥ ушнен. Сеҥышыш Омск ола гыч 9-ше №-ан гимназий пеленысе «Капель» образцовый ансамбль лектын.

Элыштына коронавирус инфекций шарлымылан кӧра тӱшка мероприятий-влакым эртараш чарыме, сандене июльышто Киров областьыште  эртаралтшашлык «Гринландий» фестиваль тений огеш лий. Оргкомитет тудым вес ийлан кусарен.

А.БАЙКОВА

  

Опубликовать в Одноклассники

Добавить комментарий