10-13 октябрьыште Москваште, ВДНХ-ште, «Шӧртньӧ шыже» Российысе агропромышленный выставке 20-шо гана эртен.
Марий Эл вуйлатыше Александр Евстифеевын вуйлатыме делегаций выставкын паша программышкыже ушнен, «йыргешке ӱстеллаште», шанче-практике конференцийла ден семинарлаште, Кугыжаныш Кремль Полатыште Ялозанлык да перерабатыватлыме промышленность пашаеҥ-влакын кечыштлан пӧлеклалтше пайрем погынымаште лийын.
Марий Элын экспозиций стендыштыже республикнан ик эн виян да ончыл 20 предприятийжын продукцийже ончыкталтын. Российын ятыр регионжо ден йот элысе предприятий-влак мемнан дене вашкылым ыштыме шотышто темлымаш дене лектыныт.
Марий Эл ден Башкортостан коклаште кооперацийым вияҥдыме да ялозанлыкыште экспорт дене кылдалтше ойпидышеш кидпалым пыштыме.
«Вольык озанлык ден племенной паша» павильонышто селекций ден сай урлык вольыкым ончен куштымо пашаште шукияш лектыш дене палдарыме. Тушто Российысе 100 агроозанлыкын пашаже ончыкталтын. Нунын коклаште «Лукоз» ООО-н Зааненский урлык казан марий типшым ужаш йӧн лийын.
Отраслевой конкурслаште кундемнан предприятийже ден агропромышленный комплекслаже тӱрлӧ номинацийыште кӱкшӧ награде дене палемдалтыныт.
«Сай качестван кочкыш продукцийым ямдылымылан» шӧртньӧ медальым налыныт:
«Звениговский» шыл комбинат» ООО: тушитлыме ӱшкыж шыл (эн сай сорт), тушитлыме сӧсна шыл (эн сай сорт), тушитлыме имне шыл (эн сай сорт);
«Шернур сырзавод» ЗАО: «Сернурская рикотта» («Шоколад») торык сыр, ушкал шӧр гыч ультрафильтраций йӧн полшымо дене ыштыме «Манго-маракуйя» торык, ушкал шӧр гыч ыштыме «Камамбер» Шернур сыр, шорык шӧр гыч ыштыме «Греческий» йогурт, ушкал шӧр гыч ыштыме «Моцарелла» сыр, ушкал шӧр гыч ыштыме «Горный орел» пушкыдо сыр;
«СОЛЮД» ООО: пелтыме шӧр, базилик ден паприкым ешарыман «Легенда Алтая» пушкыдо сыр;
«Семёновский» племзавод» ЗАО: «Семеновский» сыр, «Комавел» сыр, ӱмбалан имне шӧр;
«Йошкар-Оласе хладокомбинат» ООО: каза шӧр гыч ыштыме пырчым ешарыман «Пломбир» мороженый, каза шӧр гыч ыштыме сакырдыме мороженый;
«Чай Руси» ООО: «Иван чай» чай йӱыш-влак: «Классический» лышташан, чабрец шудан, пӧчыж шудан;
«Акашевский» сурткайык фабрике» ООО: «Халяль» йӱкшыктарыме шыл, «Марьер» сырокопченый колбаске;
«Йошкар-Ола шыл комбинат» ЗАО: «ЙОЛА» тушитлыме сӧсна шыл, «Королевская» сырокопченый шейке;
«1-ше №-ан кинде завод» ООО: «Альпийский» кинде, пырчым ешарыман «Легенда Мари» кинде;
«Марий Турек райпон коопзаготпромжо» ООО: «Классический» ветчина, «Московский» карбонад.
«Сай урлык ден ужалышаш вольыкым (животноводствым) ончымо пашам вияҥдымаште сай лектышым ончыктымылан» конкурсышто Зааненский урлык казан марий типшым ончен куштымылан «Лукоз» ООО шӧртньӧ медаль дене палемдалтын.
Ший медаль:
«Яндар» ООО: «Яндар» чай йӱыш: вуйдеҥге гыч ямдылыме, чабрецым ешарыман ден ужар чай;
«Наше пиво» сырам шолтышо компаний» ООО: «Медведевысе сыра».
Бронзо медаль:
«Семёновский» племзавод» ЗАО: «Греческий» йогурт.
«Ялозанлык кундемым вияҥдымаште сай лектышым ончыктымылан» конкурсышто Медведево муниципал районын «Озакъял ял шотан илем» муниципал образованийын администрацийже («Ял шотан илемлаште илаш келшен толшо кундемым ыштымаш» номинаций) шӧртньӧ медальым налын, Руш Кукмарий ял шотан илемын администрацийжылан бронзо медальым пуэныт («Верысе калыкын тӱҥалтышыжлан полышым пуымо программым эн сайын шыҥдарыше проект» номинаций).
«Ялозанлыкыште инновацийым илышыш сайын шыҥдарымылан» конкурсышто МарГУ-н тӱшка мланде паша, кушкылым ончен куштымо, агрохимий да кушкылым аралыме паша шотышто кафедрын профессоржо С.И.Новоселов, «Шойбулакский» племзавод ялозанлык культурым ончен куштымаште эколого-ландшафтный технологийым шонен лукмылан да кучылтмылан шӧртньӧ медальым налыныт.
«Омега» ООО вольыкым ончен куштышо озанлыклашке зоотехнический шартыш материалым ситарымаште да тудым кучылтмеке, утилизироватлыме комплексный технологий дене пайдаланымылан ший медаль дене палемдалтын.
Марий Элын Ветеринарий комитетшылан «2013-2025 ийлаште Марий Эл Республикыште ветеринарий пашан сайын кайымыже» кугыжаныш программым ямдылымыжлан бронзо медальым кучыктеныт.
«Марийская правда» газетын шке корреспондентше Д.Шахтарин «Мыйын мландем – Россием» конкурсышто» «Мыйын изи родинем» проектше дене «Селасе самырык тукым: шочмо кундемыштем кодам!» номинацийыште икымше верым налын.
Марий Эл икымше гана «За вклад в развитие выставки» Гран-при дене палемдалтын. Чылаже кундемнан призводитель ден предприятийже-влак Российын рӱдолаж гыч 36 медальым конденыт: 29 шӧртньым, ныл шийым, кум бронзым. Чылаштымат уло кумылын саламлена!
(Марий Эл вуйлатышын организаций да аналитике виктемжын уверже негызеш Л.ШАБДАРОВА ямдылен.)
