(Мучаш. Тӱҥалтышыже 32-шо, 34-ше номерлаште)
Марий кундемыш толмекыже, Андрей Яковлевичын йочала йывыртымыжым мутланымыж гочак шижаш лиеш ыле. Тудо кажне дене чоным почын кутырен, кертмыж семын ой-каҥашым пуэн. Жапше шыгыр лийын гынат, Козьмодемьянск олашкат миен толаш шотым муын, ачажын шочмо Какшамарий кундемышкыжат пурен лекде чытен огыл. А сценыште лиймыж годым кажныж нерген порын гына ойлен. Ик вашлиймашыште Какшамарийыште Эшпаймыт лӱмеш тоштер сынан пӧртлан негызым пыштыме нерген куанен каласкалымыжым мыят сайын шарнем. «Какшамарий кундем чонлан моткоч лишыл. А тоштер-пӧрт мыланна веле огыл, мемнан шочшына, уныкана-влаклан кӱлеш лиеш!» – манын тудо.
– Андрей Яковлевичын тыге ойлымыжым мыят колынам. Тудо моткоч чын каласен, но тиде тоштер кызытат уке. Кундемнам икмыняр лӱмлӧ еҥ чапландарыме нерген ме, кугурак-влак, сайын палена, а кушкын толшо тукым ончыкыжым палаш тӱҥалеш мо? – чонжо коршта Какшамарий ял шотан илем вуйлатыше Елена Плотникован.
Чынжымак, кумдан палыме композитор-влакын лӱмыштым арален кодыман. Вет нуным палыше да шарныше-влак Какшамарий кундемыште, Марий республикыште веле огыл, Российыштат, йот эллаштат эше шукын улыт. Тидын нерген верысе калыкат сайын пала, но шке семын гына вийдыме улмыштла чучеш, сандене вашлиймаште лийше-влак чон корштен каласкаленыт, полшаш йодыныт.
– Какшамарийыштыже Яков Андреевичын илыме суртшо куш лийын? – йодде шым чыте.
– Тудым Марпосадыш ужален колтеныт, – Вера Ивановна Ильюшкина деч лие вашмут. – Тушто кызытат илат докан, вет пӧрт ожнысо пырня пеҥгыде, кишан….
!!! УМБАКЫЖЕ «Марий Эл» газетыште лудаш темлена!!!
А.БАЙКОВА
Авторын фотожо
