СПОРТ

Вучен шуктат?..

12 августышто «Корта» ече базыште ече-роллерлан келшыше трассым олмыкташ аукционым увертареныт.

Документаций дене келшышын, поставщик асфальт да бетон шартышан ече-роллер трассым да «Виктория» спорт школ базын кумдыкшым капитально олмыктышаш. Роллерлан корным икмыняр лончым пыштышаш улыт. Свежа асфальт 106645 квадрат метр кумдыкан трассыште да базыштыже 3390 квадрат метр лийшаш.

Ты пашан тӱҥалтыш акше – 10 миллионат 983 тӱжем теҥге. Пашалан средствам республик бюджет гыч ойырат. Аукционым 21 августлан палемдыме. Контрактым ыштыме деч вара капитально олмыкташ 30 кече пуалтеш.

Марий Эл вуйлатыше А.Евстифеев спортын кумдан шарлыше видше, ече дене куржталмашын вияҥмышт, ече-роллер трассым уэмден ыштыме  нерген Российысе ече федерацийын президентше, тӱнямбал чемпионко Елена Вяльбе дене каҥашыме годым ойлен.

 Тунам тыгак Корташте ече-роллер трассыште телылан тулым келыштарыме нерген ойленыт. Тиде илышыш шыҥдаралтын. Эртыше тургымышто ечылан кумылан еҥ-влак тренировкым волгыдемдыме трассыште ыштеныт. Тушто тыглай каналташ, ече дене мунчалташ йєн лийын. А.Евстифеевын шонымыж да калыкын йодмыж почеш,  трассе кеҥежым велосипед да ролик дене кудалышташ, а телым ече дене мунчалташ келшыше лийшаш.

Е.ЭШКИНИНА.

Опубликовать в Одноклассники

Добавить комментарий