Волжский районысо ик йочасад вуйлатыше 2010 ий гыч 2020 ий январь марте пашашке оролым, кастеляншым, икмыняр моло пашаеҥым налме нерген шояк приказым луктеден. Тыге нунылан пашадар, эсогыл премий тӱлалтын. Кеч чынже дене тиде пашам иктат шуктен огыл да иктымат пашашке налын огытыл. Тидлан кӧра «Волжский муниципал район» муниципал образованийлан 524 тӱжемат 900 теҥге утла эҥгек ышталтын. Тиде кугыт оксам 51 ияш ӱдырамаш тӱрыснек шканже налын.
Нине преступлений ышталтмым межрайонный прокуратур, республикысе МВД ден ФСБ пашаеҥ-влак пален налыныт.
Тиде уголовный дела шотышто 2 почерковедческий экспертизым эртареныт, 60 утла свидетельым йодыштыныт, палдара РФ Следствий комитетын Марий Элысе Следствий управленийжын пресс-службыжо.
Л.КАМАЛЕТДИНОВА
