РФ Тазалыкым аралыме министерствын, Самырык-влакын пашашт шотышто федеральный агентствын да «Волонтёр-медик-влак» всероссийский мер толкынын полшымышт дене «Порылыкым – ялыш» всероссийский проект стартым налын.
Тудын дене келшышын, Марий Элнан чыла районыштыжо медицине пашаеҥ ден волонтёр-шамыч иквереш пашам ыштат да райрӱдӧ деч тораштырак верланыше 13 ФАП-ыш калыкын тазалыкшым тергаш, тыгак таза илыш-йӱла дене палдараш лектыт. Ты гана волонтёр-влакын задачышт кумдаҥын: палемдыме паша деч посна нуно эше диспансеризацийын кӱлешлыкше нерген умылтарат, икымше медицине полышым пуаш туныктат, ФАП-ым шотыш конден тӱзатат.
«Порылыкым – ялыш» акций калыкын илышыжым, ФАП-лаште медицине полышым пуымо йӧным саемдымашке виктаралтын.
М.ИВАНОВА
