Волжск олаште верланыше 2-шо №-ан «Колокольчик» йочасадлан лишыл кечылаште Арина Родионовнан лӱмжым пуат.
Волжскышто А.С.Пушкин лӱмеш школ шукертак пашам ышта. Тудын кумдыкыштыжо кугу поэтлан шарныктышым шогалтыме. Школышто ий еда бал-влак эртат. А ынде Арина Родионовна лӱмеш йочасадым почаш лийыныт. Туштат 19 курымысо классикылан пӧлеклалтше тематический мероприятийым, сылнымут гостиныйым да монь эртараш палемдыме.
Тиде йочасадым 1962 ийыште чоҥымо. ХХ курымын 90-ше ийлаштыже спонсор полыш дене тӱрыснек гаяк уэмдыме.
М.ИВАНОВА.