Заводын инвесторжо-влак тӱҥалтыштак палемденыт: кызытсе жапын йодмашыжлан келшыше кӱкшӧ качестван продукцийым лукташ. Тидлан технический директорым Белоруссий гыч ӱжыныт, технологический линийым Германийыште налыныт.
Тиде производство – округышто ик эн кугу. Завод директор Наиль Бикмуллин республик вуйлатышын пашажым шуктышылан предприятийын чоҥымо материалым таче Марий Эллан веле огыл ситарыме, Татарстан, Ульяновск, Самара, Киров, Москва областьлашкат колтымо, газобетоным кузе ямдылыме нерген каласкален.
Предприятий ончыкыжымат вияҥже манын, региональный кучем пашаеҥ-влак бизнеслан полшышашлан мом ышташ кӱлмӧ нерген тушто лиймышт годымак пален налыныт. А тыгай инвестиционный проект-влакын вияҥмышт республикланат кӱлешан да пайдале, молан манаш гын нунын колтымо налог оксашт ятыр йодышым рашемдаш йӧным пуа.
Л.Камалетдинова.
