Школышто тунемше да студент-влаклан тыгай лӱман цифровой олимпиадын отборочный онлайн-этапше 13 сентябрь марте умбакыже шуйна.
Тудо пӱтынь Россий гыч ӱдыр-рвезе-влаклан информаций технологий областьыште моштымашым тергаш да ончыкташ, тыгак шергакан пӧлекым сеҥен налаш, а эн тӱҥжӧ – ончыкыжым тӱнямбал кӱкшытан IT-компанийлаште пашаверым муаш йӧным ышта.
Олимпиаде 2006 ий гыч эртаралтеш да заданий-шамыч дене поснак ойыртемалтшылан шотлалтеш, молан манаш гын нуныжым кызытсе IT-компаний-шаиычын пашашт дене кылдалтшым ямдылат.
14-23 ияш-влак шкем тыгай номинацийлаште терген кертыт:
– 3DMotionDesign
- Веб-дизайн
- Веб-лаштыклам верстатлымаш
- Интернет-программирований (PHP)
- Мобильный разработко (IOS, Android, Flutter)
- Прикладной программирований (Java/C#)
- Системе программирований (C++).
Отборочный онлайн-этапыште 150 эн сай пашам ойырен налыт. Нунын авторышт финалыш лектыт, тудыжо тений 8-11 октябрьыште Ульяновскышто лиеш.
Г.КОЖЕВНИКОВА
