Кодшо арнян республикыш РФ правительстве председатель Михаил Мишустин толын ыле, а тиде арнян пале лийын: коммунал инфраструктурым уэмдышашлан оксам ойырымо регион-влак коклашке Марий Элат логалын.
Тидын нерген кӱштымашым элын премьер-министрже Михаил Мишустин 6 октябрьыште подписатлен.
Шке проектыштым илышыш пурташ федеральный полышым элыште чылаже вич регион гына налын. Илыме вер ден коммунал озанлык объект-шамычым уэмдаш нунылан чылаже 1,26 утла млрд. теҥгем ойырымо.
Марий Элыш 213 утла млн. теҥге толшаш. Ты кугыт окса Козьмодемьянскыште инженер сеть ден вӱд пуч объектлам уэмден тӧрлаташ колталтеш.
Тиде оласе коммунал инфраструктурым уэмдыме шотышто проект дене кылдалтше паша «Юлым тазаҥдарымаш» федерал проектын «Экологий» нацпроектше дене келшен толшын шукталтеш.
Тиде проектым илышыш пуртымаш утларак кӱкшӧ качестван коммунал услугым пуаш, социальный сфере, культур да быт объект-влакым чоҥаш, ола округын инженер, коммунал инфраструктурыштым вияҥдаш да калыкын илышыжым саемдаш йӧным ышта.
Марий Эл Республикым вуйлатышын организаций да
аналитике виктемжын уверже-влак негызеш
Л.КАМАЛЕТДИНОВА ямдылен
