Спиртан йӱышым йӱын, илыш дене чеверласыше-влак республикыште улыт мо?
Н.Зверев.
Йошкар-Ола.
Судебно-медицине экспертизе бюрон увертарымыж почеш, кодшо ийын Марий Элыште спиртан йӱышым йӱмылан кӧра 164 еҥ аярген. Тышеч 133 еҥже илыш дене чеверласен. Тулеч ончычсо ий дене таҥастарымаште аяргышыже 171 лийын гын, илыш дене чеверласышыже — 135. Тӱҥ шотышто аяргыме случайже этанолан йӱышлан кӧра лийын. Тыгак метил спирт дене 11 еҥ аярген. Лу случайыштыже спиртын могай улмыжым рашемден кертме огыл, индешыштыже аракан суррогатшым кучылтыныт, кокытыштыжо этиленгликогель лийын. Кок случайыштыже изопропиловый спирт ден стеклоочистительым йӱыныт. Мутат уке, колышыжо эн шуко Йошкар-Олаште лийын — 23 еҥ.
С.НОСОВА
