Чумбылат курыкышто кумалтышым вес пагытыш кусарыме.
20 июньышто Киров кундем Чумбылат курыкышто кумалтыш лийшаш ыле. Но шучко чер шарлыме лӱдыкшылан кӧра Киров кундемысе кучем кумалтышым вес пагытыште эртараш тыланымашым ыштен. Тидым шотыш налын, Шернур районысо «Марий кумалтыш» общине кумалтышым вес кечыш кусарен.
«Кӧ Чумбылат кумалтышыш мияш сӧрен да тидлан верчын каен огеш сеҥе гын, мӧҥгыштышт кумалтыш лиеш — каем манын сӧрышаш улыт», — тыге ойла Шернур районысо «Марий кумалтыш» общинын вуйлатышыже Вячеслав Мамаев. Кумалтыш лийме нерген ешартыш увер лиеш.
С. Носова
