Марий Элысе ик йочасадлан мебельым Екатеринбург гыч ыштен колтат.
Тыгай ойпидышым Медведево муниципал район администраций ден тиде олаште верланыше 10-шо №-ан исправительный колоний пеҥгыдемденыт. Судитлалтше-влак 320 веран садиклан чылаже 4 млн. наре теҥгеаш мебельым ыштат.
Тиде учреждений шукерте огыл 12 кугыжаныш контрактым пеҥгыдемден. Нунын дене келшышын, тӱрлӧ кундемысе школ ден йочасад-влаклан 43 870 176,40 теҥгеаш мебельым ямдылен колтат, палдара Марий Элысе УФСИН-ын пресс-службыжо.
Л.КАМАЛЕТДИНОВА