Марий Элын Туризм шотышто комитетшым ынде Светлана Зверева вуйлаташ тӱҥалеш.
Ты должностьышто тудо Андрей Пуртовым вашталтен. Але марте чолга ӱдырамаш Йошкар-Оласе турист-иформаций рӱдерын пашажым виктарен. «Мыланем регионыш толшо турист толкыным кугемдыме, Марий Элын турист брендшым ыштыме, отрасльысе ваш-кыл шотышто кылым пеҥгыдемдыме, отрасльым, комитетын пашажым вияҥден колтымо шотышто раш задачым шынденыт. Команде денат палыме улам, сандене пашам пырля ышташ тӱҥалына», — ӱшандарен калсен у вуйлатыше.
С.Носова.
Снимкыште: С.Зверева
Кундемнам тӱзаташ жап
21 март гыч 5 июнь марте республикыште Эклологий лудыкшӧ деч аралалтме кече-влак эртат.
Тидын шотышто оргкомитет чумыралтын, паша радам палемдалтын. Промышленный, транспорт да чоҥышо организаций-влакын вуйлатышыштлан ведомствысо организацийлаште экологий лӱдыкшӧ деч аралалтме кече-влакым, субботникым эртараш, садерым шындыме пашам ворандараш кӱштымӧ. Тиде пагытыште школлаште экологий дене кылдалтше тӱрлӧ конкурс, викторине, семинар, акций-влак эртат. Тушко кокла да кӱшыл шинчымашым пуышо учреждений, мер организаций-влак ушнат.
С.Носова.
Регион кукшытыштӧ
Марий Элыште икымыше гана «Православный инициативе-влак — 2017» региональный конкурс увертаралтын.
Тидын нерген шукерте огыл пресс-конференцийыште увертареныт. Конкурсын условийже дене палдараш Москва гыч «Соработничество» фондын региональный конкурс-влакын кураторжо Олег Суханов толын ыле. Молан регион кӱкшытысӧ тыгай конкурсым эртараш Марий Элым ойырен налыныт? Мемнан республик «Православный инициативе-влак» тӱҥ, тыгак изи грант конкурслаште сайын участвоватла. Республикын тӱрло министерстве ден ведомствыжат чолган ушнат. Но тӱҥ конкурслаште участвоватлаш сай проектым возымат сита гын, региональный конкурсыш ушнышашлан ончыч проектым илышыш шыҥдараш полшышо-влакым кычалман. Нуно проектын 50 процентшылан шийвундым ойыраш келшат гын, вес пел ужашыжлан конкурсым увертарыше-влак пуат.
С.Носова.
