Кужэҥер посёлкын тӱҥ кожшым вес семынрак сӧрастараш манын, верысе администраций районышто илыше чыла ийготан еҥ-влаклан у ий модышым шке кид дене ямдылыме конкурсым увертарен.
Кодшо кечылаште тудо мучашлалтын. Конкурсыш тӱрлӧ материал да тӱрлӧ йӧн дене ыштыме 50 утла модыш пурен – иктыже весыж деч оҥай да мотор. Кызыт «Одноклассники» социальный сетьыште палынак ойыртемалтше вич модышлан йӱклымаш кая. Сеҥышын лӱмжым «Заря» газетын 29 декабрьыште лекше пытартыш номерыштыже каласаш палемдыме.
Конкурсыш пурышо чыла модышым Кужэҥер посёлкын тӱҥ кожышкыжо сакат.
М.ИВАНОВА.
