Кажныже шке жапыштыже Марий Турек районым вияҥдымаште тыршыше 25 ветеран администрацийым вуйлатыше С.Решетов дене вашлийыныт.
Ончычшо Сергей Юрьевич кундемын тачысе илышыж нерген каласкален, верысе тӱҥалтышлан полшымо, корным олмыктымо, илемлашке канде тулым пуртымо программе-влакын шукталтмышт дене палдарен. Но ветеран-шамыч вуйлатышым колыштмо дене гына серлаген огытыл, чайым йӱын, мутланен шинчыме жапыштак посёлкысо Мосолов уремым олмыкташ, кундемым электротул дене волгалтараш, Тат-Китне ялысе тӱвыра пӧртым олмыкташ кӱлмӧ нерген ойленыт.
Район вуйлатыше ветеран-влакым тургыжландарыше йодыш-шамычым шотыш налын да тенийсе паша планыш пурташ лийын.
М.ИВАНОВА.
