УВЕР ЙОГЫН

Вашлияш толшаш

5 февральыште лӱмлӧ марий ученый, историй науко доктор, РФ кӱшыл школын сулло пашаеҥже, Марий Эл Республикысе наукын сулло пашаеҥже, МарГУ-н почетный профессоржо, Йошкар-Олан почетан гражданинже, Курыкмарий районын почетный еҥже Ксенофонт Никанорович Сануковлан 85 ий темеш.

 Шке жапыштыже «За заслуги перед Отечеством» орденын II степенян медальже да «За Заслуги перед Марий Эл» орденын медальже дене  палемдалтын. Таклан огыл тудым эсогыл ученый-влак «моральный авторитет» семын аклат да шотлат. Тудо ӱмыржӧ мучко марий калыкнан историйжым шымлен, шуко шанче пашам возен. Эн кугу надыржылан Марий кундемыште репрессийыш логалше-влакым реабилитироватлыме пашам ворандарен колтымыжым шотлыман, очыни. Тудын шанче, мер пашаште тыршымыжлан кӧрат ятыр еҥын поро лӱмжым пӧртылтымӧ.

Тӱнямбал кӱкшытыштӧ палыме ученыйын кызыт тазалыкше начаррак гынат, тудын дене вашлияш йӧн уло. Шочмо кечынже университетыште (ончычсо пединиститутын тӱҥ оралте, 216-шо  кабинет) 14 шагатлан тудын тунемшыже-влак погынат. Юбиляр шкежат толаш сӧрен.

А 13 февральыште С.Г.Чавайн лӱмеш калыкле лудмыверын «Марий краевед» клубын черетан погынымашыже лачшымак ты ученыйын шочмо кечыжлан пӧлеклалтеш. Клуб вуйлатыше Алексей Клёновын палемдымыж  почеш, юбиляр шкежат толшаш. Вашлиймаш 16 шагатлан тӱҥалеш.

 С.НОСОВА 

Опубликовать в Одноклассники

Добавить комментарий