Тыгай лӱман смотр-фестиваль талантан самырык тукымлан Крымыште октябрьыште лиеш.
Тушко Российын чыла регионжо гыч рвезе-ӱдыр-влак ушнат.
Фестиваль 23 гыч 26 октябрь марте ныл олаште – Ялтыште, Феодосийыште, Евпаторийыште — эрта. А гала-концертше Симферопольышто, музыкальный училищын концерт залыштыже, лиеш.
Фестиваль элыштына культур аланыште эртыше кугу событийлан шотлалтеш, сандене мероприятий жапыште Российын калык артистше, искусство деятель-влак дене вашлиймаш, мастер-класс-влак эртат, тыгак тӱвыра учреждений-влакын усталык коллективыштын концертышт лийыт.
Фестиваль Россий Культур министерствын да Москосо тунемше-влаклан ешартыш шинчымашым пуышо рӱдер эртарат.
А.БАЙКОВА.
