Тений икымше кварталыште Марий Элыште спиртан продукций дене 38 гражданин аярген, тышечын 35 еҥже колен. Тиде чот кодшо ий тыгаяк жап деч шукырак: тунам 33 гражданин аярген да 24 еҥ илыш гыч каен. Калык 73,7 процент случайыште этанолан продукцийым йӱын аярген. Тыгак метил спирт дене аяргыме 7 случайым регистрироватлыме, 2 случайыште спиртым рашемден кертме огыл, 1 случайыште этиленгликольым мумо.
Шукияш статистикым ончалаш гын, тений январь-мартыште спиртан продукций дене аяргыме чот 45,6 процентлан иземын, колымо чот – 34,6 процентлан. Эн шуко аяргыше ден колышо – Йошкар-Олаште, эн шагал – Волжский, Звенигово, Килемар, У Торъял да Советский районлаште.
Промышленностьышто ыштен лукмо начар качестван арака дене аяргыме случайым регистрироватлыме огыл.
М.ИВАНОВА
