Ончыч пырля илыше пӧръеҥемым суд икшывемын ачажлан шотлен. Санденак мый судын пунчалжым лукмо деч ончыч тудын деч алмиентым кӱрын луктын кертам мо?
В.Берёзкина
Йошкар-Ола
Йодышлан вашмутым Медведево районысо прокурорын кугурак полышкалышыже М.С.Егошин пуэн:
— Ача улмым рашемдаш йодмаш дене пырля тудын деч алиментым кӱрын лукташ кӱлмӧ нерген йодмашым возенда гын, ача улмым рашемдымеке, тидым вигак ыштен кертыда. Но тидын годым весымат шотыш налман: эртыше жаплан икшывым ончен куштымылан виеш алиментым кӱрын лукташ огеш лий, молан манаш гын искым удовлетворитлыме деч ончыч ответчик икшывын ачажлан шотлалтын огыл.
С.НОСОВА
