Марий Элыште шыҥдаралтше регионысо проект-влак кокла гыч иктыже – «Йочан еш-влаклан полыш». Тудын тӱҥ шонымашыже – икшыве-влаклан образованийым да воспитанийым пуымо пашаште ача-авалан полыш.
2020 ийыште республикысе психолого-педагогический, медицине да социальный полышым пуышо кум рӱдер – «Детство», «Росток», «Доверие» – консультаций пунктлам (31 тӱжем деч шагал огыл) почаш палемден. Тидлан федерал да республикысе бюджетла гыч 10 225,26 тӱжем теҥге ойыралтеш.
Йочан ача-аваже (законный представительже) консультацийыш кеч-могай йодыш дене возалтын кертыт. Тидлан рӱдерыш телефон дене йыҥгырташ але тӧнежын официальный сайтыштыже, тыгак «ВКонтакте» социальный сетьыште электрон йӧн дене сералташ лиеш. Кӧ консультацийыш миен ок керт, тудо полышым онлайн йӧн денат налын кертеш.
Рӱдерын телефонжо тыгай улыт:
(8362) 41-08-88 – Йошкар-Ола, «Детство» рӱдер; самоизоляций жаплан: 89177114825;
(8362) 21-50-61 – Йошкар-Ола, «Росток» рӱдер;
(987) 719-68-91 – Волжский район, Памар села, «Доверие» рӱдер.
Г.КОЖЕВНИКОВА
