У Торъял поселкысо тӱвыра да каныме рӱдерыште «Сӱан пайрем» районысо фестиваль эртен.
Тушко куд тӱвыра пӧрт гыч коллектив-влак ушненыт. Тошто Торъял, Крешын Руй, Чӱксола, Токтарсола да Шура гыч участник-влак ӱдыр ончымым, качын пӧртшӧ гыч ӱдырым налаш кайымым, ӱдырын суртыштыжо сӱаным, оръеҥ мелна кочмо йӱла-влакым ончыктеныт гын, Элембай гыч коллектив руш сӱаныште фатам кудашме йӱла дене палымым ыштен.
Тыгай сынан мероприятий-влак эше ик гана пеҥгыдемдат: еҥ-влак калык йӱлам палат, аралат да шуктат. А тиде эн кӱлешан тӱҥ.
Л.Камалетдинова.
