УВЕР ЙОГЫН

Арала веле огыл

Мутна – маске нерген. Чын пайдаланыме годым тудо озажым арала, а шотым палыде кучылтшым азапышкат пуртен кертеш! Тугеже Марий Элын Тазалыкым аралыме министерствыжын маскым чийыме, кудашме да кудалтыме, тыгак тудын дене пайдаланыме шотышто темлымашыже-влакым кажнылан вуйыш пышташ кӱлешан.
• Маскым налме деч ончыч кидым шовын дене мушман але спирт негызан средстве дене обработатлыман.
• Изделийыште рож але вес брак лийын кертыт, сандене маскын тичмаш улмыжым тергыман.
• Маскысе пеҥгыде наста нер ӱмбалне верланышаш.
• Изделийын волгыдырак тӱсан велже тӱжвалне лийшаш.
• Маскым чийыман. Металл ма пластик настажым нерын формыжлан келыштарен кадыртыман.
• Изделийын ӱлыл мучашыжым шупшылын, умша ден оҥылашым петырыман.
• Ик гана пайдаланаш лийме маске дене кок шагат веле коштман. Тылеч вара тудым пылышыш чиктен шындыме оҥгыж гыч кучен кудашман. Изделий осал микроорганизм дене авалталтын кертеш. Тидымак шотыш налын, маскым шӱргыш але вургемыш тӱкымӧ деч шекланыман.
• Пайдаланыме изделийым петыртышан контейнерыш кудалтыман. Кидым шовын дене мушман але спирт негызан средстве дене обработатлыман.

М.ИВАНОВА

Опубликовать в Одноклассники

Добавить комментарий