Марий Элысе Уголовно-исполнительный системын пашаеҥже-влак поро кумылым ончыктымо «Йочам школыш пого» акцийыш ушненыт.
Пашаеҥ-влак деч чумырымо 27 тӱжем утла теҥге окса дене налме канцеляр, моло сатум Калыклан психолого-педагогический да социальный полышым пуышо «Доверие» республиканский рӱдерлан пӧлекленыт.
Тиде рӱдерыште учётышто социально-лӱдыкшӧ положенийыште улшо ешла гыч 170 тунемше, окса шотышто чӱдылыкым шижын илыше ик тӱжем утла еш шогат. Пытартышыштыже 2000 наре икшыве кушкеш. Сандене тиде полыш нине еш-влаклан, чынжымак, моткочак кӱлешан.
Л.Камалетдинова.