КУЛЬТУР ДА ИСКУССТВО УВЕР ЙОГЫН

Ай, чот кертыт, морко-влак!

26-28  январьыште Москошто Калык куштымаш дене Российын чемпионатше эртен.

Тушко Российын 20 утла регионжо гыч куштышо коллектив-влак ушненыт. Юл кундем федерал округ гыч Морко районысо «Рвезылык» куштышо ансамбль (вуйлатышыже – Александр Якушев) миен да кокымшо степенян лауреат лӱм дене палемдалтын.

— Кугу концерт залыш калык шыҥ-шыҥ погынен. Сценыште тӱрлӧ калыкын йӱлаж дене палдарыше куштымаш-влак лийыныт. Ончаш толшо-влак кажныжым шокшын вашлийын веле огыл, артист-шамыч дене пырля куштеныт, — палемдыш А.Якушев. — Ме тошто марий да ӱчашен куштымаш-влакым ончыктенна. Кугу сцене — кугуак. Ӧрдыж кундемыш але олаш миен коштмо мыланна кушкаш, кылым муаш полша.

Моско гыч «Рвезылык» ансамбль диплом да кубок дене пӧртылын.

А.Байкова

 

Опубликовать в Одноклассники

Добавить комментарий