УВЕР ЙОГЫН

Аза колымылан мутым куча

Республикысе перинатальный рӱдерын азам ыштыме отделенийжын акушер-гинекологшым судитлаш тӱҥалыт, палдара Россий Следствий комитетын Марий Элысе следствий управленийже.  

Ведомствын рашемдымыж почеш, ӱмаште 24 июнь йӱдым 33 ияш врач мӱшкыран ӱдырамашын икымше азам ыштымекше, кокымшыжо шочмо годым кӱлеш мерым ыштен огыл. Тиде амаллан кӧра кокымшо икшыве ош тӱняшке  «асфиксия тяжелой степени» диагноз дене шочын. Азан илышыж верч врач-шамыч тылзе утла кучедалыныт, но 31 июльышто рвезе колен.

Россий Федерацийын Уголовный кодексшын 109-ше статьяжын 2-шо ужашыж дене келшышын, ӱдырамаш-врач шотышто уголовный делам тарватеныт. Делам кызыт шымлен пытареныт да судыш пуэныт.

Л.Камалетдинова.

Опубликовать в Одноклассники

Добавить комментарий