Параньга посёлкышто «Аван кӱварже» уло. А шукерте тудым уэмден олмыктеныт.
Ынде тудын ӱмбалжым вошт койшо панель дене леведыныт. Тушто ава-влакын марла, рушла да татарла лӱмыштым возымо. Кӧн шке аважын лӱмжым возаш кумылжо лектеш гын, тидым умбакыжат ыштен кертеш.
«Аван кӱварже» воктекак эше нулевой километрым ончыктышо указательым вераҥденыт. Тушто лишыл да тора олалаш миен шумо кужытым ончыктымо, мутлан, Озаҥ марте — 98 км, Сингапур марте — 7812 км, Париж марте — 3216 км, Мекке марте — 4009 км, Сочи марте — 1880 км да молат. Тыгак Йӱдвел ден Кечывалвел полюсла марте мыняр кужытымат пален налаш лиеш.
С.Носова
