25 мартыште Йошкар-Оласе медицине колледжыште Медицине вуз-влакын почмо омса кечышт эрта. Рӱдоласе Пролетарский уремын 68-ше номеран пӧртыштыжӧ верланыше тӧнежыш Ижевскысе кугыжаныш медицине академийын, Озаҥысе кугыжаныш медицине университетын, Кировысо кугыжаныш медицине университетын да Марий кугыжаныш университетын (медицине факультет) пашаеҥышт 2018 ийыште медицине вузлашке тунемаш пураш ямдылалтше ӱдыр-рвезе-влакым вучат. Мероприятий 12 шагатлан тӱҥалеш. Чыла йодышым 8 (8362) 222-113, 222-114 номеран телефон дене рашемдаш лиеш.
М.ИВАНОВА.
