УВЕР ЙОГЫН

Пайрем концерт гыч — пӧлек дене

29 сентябрьыште Я.Эшпай лӱмеш Марий кугыжаныш филармоний чапле кугу концерт дене «Марий шыже» фестивальжым почо. Тудо тений 80 ияш лӱмгечыжлан пӧлеклалтын. Саламлыме шомак дене он ончычак сценыш филармоний вуйлатыше Эрик Юзыкайн лекте да лӱмгече дене ты культур учрежденийыште пашам ыштыше да марий кундемыштына илыше калыкым саламлыш. Тиддеч вара мутым Марий Эл Правительстве председательын икымше алмаштышыже  […]

УВЕР ЙОГЫН

Эше икте шке кумылын каен

Республикыштына эше ик район вуйлатыше шке кумылын  паша гыч каен. Ты гана – Морко район администраций вуйлатыше Александр Иванов. Тудын дене контрактым 28 сентябрьыште кӱрлмӧ. 29 сентябрь гыч ты сомылым жаплан район администраций вуйлатышын икымше алмаштышыже  Александр Голубков шукташ тӱҥалын. Л.Камалетдинова.

УВЕР ЙОГЫН

Мӱшкыран ӱдырамашлан – памятник

Йошкар-Олаште, Перинатальный рӱдер воктене, мӱшкыран ӱдырамашлан памятникым почаш ямдылалтыт. Памятникым тӱрысшак ыштен шуктымо огыл гынат,  рӱдер воктеке шогалтеныт. Кызытеш тудым брезент дене петырыме. Тугеже лишыл жап гыч эше ик у памятник оланам сылнештараш тӱҥалеш.  Л.Камалетдинова.

УВЕР ЙОГЫН

Весылан ӱшаненыт

Марий Эл Республик вуйлатыше пеленысе йочан праваже шотышто уполномоченныйлан 1 октябрь гыч Ольга Торощина ышташ тӱҥалын. Тидын нерген указым Александр Евстифеев подписатлен. У пашаеҥ дене служебный контрактым вич ийлан ыштеныт. Тылеч ончыч тиде должностьым Евгений Бурдо шуктен. Но тудым кугыжаныш службо гыч «шке йодмыж дене» тений 3 август гыч отставкыш колтеныт. Л.Камалетдинова.