ЭКОНОМИКЕ

Марий Эл Республикыште ыштен лукмо сатум эн шуко могай элыш ужалена?

Пытартыш жапыште Марий Эл Республикыште ыштен лукмо сатум эн шуко могай элыш ужалена? А мемнан деке эн шуко кушеч шупшыктат? Юл кундем таможньо виктемын увертарымыж почеш, тений январь-мартыште Марий Элын вес элла дене торгайыме оборотшо 151,8 миллион американ доллар лийын. Ӱмашсе тыгаяк жап дене таҥастараш гын, тудо 35,8 процентлан кугемын. Экспорт – 129 миллион доллар […]

УВЕР ЙОГЫН

Йошкар-Олаште колым кучымо дене черетан таҥасымаш эртен

2 сентябрьыште Брюгге Набережныйыште колым кучымо дене черетан таҥасымашке ятыр кумылан еҥ чумырген. Участник-влак колым Какшан эҥерыште эҥырвоштыр да фидерный йӧн дене кученыт. Ик кече ончыч тренировкыштат южышт 2 килограмм нелытан ловалым кученыт. 

КАЛАСЕ, "МАРИЙ ЭЛ"

Юрист умылтара: Шке гыч эртараш огеш лий

Корно происшествийыш логалше зависимый огыл экспертизым шке гыч организоватла гын, страховой компаний тудлан оксам тӱлышаш мо?  А.Бариев. Медведево посёлко. Йодышлан Медведево районысо прокурорын полышкалышыже О.Г.Лесовщикова вашештен:  – ОСАГО-н страховщикше жапыштыже локтылалтше погыжым ончен лектын, зависимый огыл технический экспертизым, зависимый огыл экспертизым (оценкым) эртарыктен огыл гын, тудым туткарыш логалше шкежак заказатлен кертеш. Вес ситуацийыште ОСАГО нерген […]

КАЛАСЕ, "МАРИЙ ЭЛ"

Юрист умылтара: Кунам йодмашым пуыман?

Уголовный делам тарватымеке, кунам тиде делам присяжный заседатель-влак дене  пырля ончен лекме шотышто ходатайствым пуаш лиеш?  И.Миненков.  Семёновко посёлко. Йодышлан Медведево районысо прокурорын полышкалышыже С.Г.Захарова вашештен: – Титаклыме еҥ уголовный делам присяжный заседатель-влак дене пырля ончен лекме ходатайствым предварительный следствийыште делан материалже дене палыме лиймеке, тыгак прокурорын титаклыме нерген заключениян уголовный делам судыш колтымекыже пуышаш, […]

КРАЕВЕДЕНИЙ

100 ийлан – шӱдӧ ялыш: Пуйто уто шинча деч шылын шинчын

Марий Турек районышто Сардаял лӱман ял улмым щукынжо палат. А теве эше Сарда ял нерген колында? Ятырынже уке, шонем. Мыят шукерте огыл тиде районыш командировкыш каяш тарваныме годым веле пален нальым. Тушто илыше-влак, тидлан чотшак нелеш ида нал…   А Сарда ял, калыкыште вес семынже тудым Почиҥга але Сарда почиҥга маныт, сылне вер-шӧрыштӧ шинча улмаш. […]

КРАЕВЕДЕНИЙ

Айдеме да пӱртӱс: 21 ий – йӧратыме пашаште

«Кугу Какшан» заповедникын лӱмгечыжын идалыкшым палемдыме шот дене ме тудын пашаеҥже-влак дене тендам жапын-жапын палдараш тӱҥалына. Тачысе унана – Олег Игнатенко. Марий кугыжаныш университетын биологий-химий факультетшым тунем пытарыме деч вара 1997 ий гыч заповедникыште тырша. Кугыжаныш инспектор гыч тӱҥалын. Оролымо шотышто заповедникын директоржын алмаштышыжланат ыштен. Кызыт – кугурак кугыжаныш инспектор. Икмыняр йодышым тудлан пуэна. – […]