УВЕР ЙОГЫН

Роспотребнадзор: Кол сатум ужалымаш гыч кораҥденыт

Тений икымше пелийыште Роспотребнадзорын Марий Элысе управленийже кол продукций дене кылдалтше пашам виктарыше 160 объектым терген. Нунын кокла гыч 151 – ужалыше предприятий, 9 – общественный питаний предприятий. 

УВЕР ЙОГЫН

Марий Элыште 2018 ийысе тазалыкым пеҥгыдемдыме кеҥеж кампаний мучашлалтын

Тений кеҥежым республикыште тазалыкым пенгыдемдыме 193 организаций пашам ыштен. Нунын коклаште 17 – ола воктенсе стационарный лагерь, 171 – кечывалым лийме, 3 палатке лагерь да 2 йоча санаторий. Тений 4 тӱжем наре тунемше республик деч ӧрдыжтӧ каналтен. Чылаже 55 тӱжем утла йоча, подростко да тунемше-влак тазалыкыштым пеҥгыдемденыт да каналтеныт. Тений тазалыкым пеҥгыдемдыме кеҥежымсе учрежденийлаште инфекциян […]

УВЕР ЙОГЫН

Марий Элыште терроризм ваштареш кучедалмаште икоян улмо кече эртен

3 сентябрьыште, Терроризм ваштареш кучедалмаште икоян улмо кечын, Кужэҥер, Морко, Шернур да моло районыштат «Капля жизни» всероссийский акцийлан пӧлеклалтше митинг эртен. 

УВЕР ЙОГЫН

Шинчымаш кече дене саламленыт

Марий Эл правительствын еҥже, профильный ведомство-влакым вуйлатыше-шамыч 1 сентябрьыште республикнан  икмыняр школыштыжо лийыныт, увертара Марий Эл вуйлатышын организаций да аналитике виктемже. Правительстве председательын икымше алмаштышыже М.Васютин тиде кечын Курыкмарий районыш миен. Шинчымаш кече дене тудо Микрак ден Сурский школлаште тунемше ден пашам ыштыше-влакым саламлен. Микрак школ Марий Элыште ик эн тоштылан шотлалтеш. Тудо 1881 ийыште […]

УВЕР ЙОГЫН

«АРХ Параход 2018» проектын участникше-влак Марий Элыш толшаш улыт

«АРХ Параход 2018» проектын участникше-влак Козьмодемьянскыш толшаш улыт. Российысе лӱмлӧ архитектор да дизайн студий-влакын озаштым, искусство ден СМИ пашаеҥ-влакым ушышо ты пректым АРХ Москва ден Pluton Project  организаций-влак кажне ийын эртарат да параход дене вӱдышто каят. Тиде пагытыште пырля пашаштышт вашлиялтше пӱсӧ йодыш-влакым каҥашат. Тений ийын кайыме корнышт кум йыжыҥ дене 5-13 сентябрь гутлаште эрта: […]

УВЕР ЙОГЫН

Советский районышто тошто черке у сыным налеш

Марий Эл Республикын 100 ияш лӱмгечыжлан  ямдылалтме программе кышкарыште Советский район Ӱшнур селасе Петр ден Павыл святой апостол-влакын черкыштымат уэмден олмыктат. Тудо республикысе тӱвыра поянлык памятник-влакын радамышкышт пурталтын. Санденак верысе чолга еҥ-влакын тыршымышт дене черкым уэмден олмыктымо пашам  «Российын тӱвыраже» федеральный целевой программыш пуртен кертме. Тудо койын у сыным налеш. Негызшымат, пырдыжымат уэмден олмыктымо, чаҥ […]

УВЕР ЙОГЫН

ВИЧ-инфекцийлан яра тергалт кертыда

Марий Элыште илыше-влак ВИЧ-инфекций уло-уке шотышто тергымашым эртен кертыт. Тудо яра ышталтеш. Кумылан-влак Йошкар-Олаште Дружба урем, 95-ше №-ан пӧрт адрес дене верланыше республиканский СПИД-рӱдерыште тергалт кертыт. Районлаште илыме вер шот дене медицине учрежденийлашке мийыман. Тергалтме нерген увер огеш шаркалалт. Йодыш лектеш гын, тыгай номер дене йыҥгырташ лиеш:  (8362) 23-20-44. Л.Камалетдинова.

УВЕР ЙОГЫН

Республикын футбол дене первенствыжын черетан модмашыже эртен

Марий Эл Республикын футбол дене первенствыжын черетан модмашыже рушарнян, 2 сентябрьыште, Йошкар-Оласе «Дружба» стадионышто эртыш. Тушто У Торъял районысо «Первый май» колхозын «1 Май» командыж ден рӱдоласе «ЗПП» команде таҥасышт. 

УВЕР ЙОГЫН

У тунемме ий: «Шонымашкыда шуаш тыршыза»

1 сентябрьыште Марий Эл вуйлатыше А.Евстифеев Советский район Ӱшнур школыш миен коштын. Тудо йоча-влакым у тунемме ий тӱҥалме дене саламлен, увертара  Марий Эл вуйлатышын организаций да аналитике виктемже.