УВЕР ЙОГЫН

Форум: «КРАВЕЦ» шокшын вашлийын

23-29 июльышто Курыкмарий район Кулаковы селасе Красноволжский школышто самырык-влакын культурно-исторический «КРАВЕЦ» форумышт эртен. Тудо визымше гана шке омсажым почын. Тушко 100 наре ӱдыр-рвезе чумырген. 

УВЕР ЙОГЫН

Шернур районышто илыше-влакым шарныктарыше стелым почыныт

Шернур район Ведаснур ялыште тиде кундемыште илыше-влакым шарныктарыше стелым почыныт. Тудым Совет Ушем Герой, ты ялын шочшыжо И.Г.Отмаховын шарныктыш кӱжӧ воктене шогалтеныт. 

ӰДЫРАМАШ КОРНО

Поро кумыл: Сай паша сай денак пӧртылеш

Морко район Шеҥше селасе уремла дене кудал эртыме годым икмыняр пеледыш клумбо шинчалан перныш. Тыгай моторлыкым кӧ ыштен кертын манын шоналтышым да, тидым пален налаш манын, верысе администрацийыш пурен лектым. Ял шотан илем вуйлатыше Полина Сергеевна Иванова кундемым тӱзатымаште Матвеевмыт еш полша манын каласыш да нунылан кугу таум, тазалыкым, еш пиалым тыланыш. 

СПОРТ

Онар тукым: Ончыкылыклан негызым – школышто

Кеч-могай спортсменын пӱрымашыже тренерже дене пеҥгыдын кылдалтын. Профессионал-влакын – поснак. Таче мутем У Торъял районысо Тошто Торъял кундемыште ӱдыр-рвезе-шамычым ятыр ий физкультур ден спортлан кумылаҥдыше поро кумылан, спорт верч йӱлышӧ чонан И.Хлыбов нерген. 

УВЕР ЙОГЫН

Медведево посёлкышто имне дене таҥасымаш эртен

29 июльышто Медведево посёлко воктенысе ипподромышто имне дене таҥасымашке профессионал спортсмен-влак ушненыт. Тушко Татарстан, Чуваш республикла да Пенза область гычат участник-влак стартыш лектыныт. Ончышо-влаклан имне дене чаракым сеҥен эртымашат (конкур) оҥай лийын.    

УВЕР ЙОГЫН

Марий Элысе рвезе вӱдым куэн кайыме дене бронзо призёр лийын

27 июльышто Марий Эл гыч (Волжск ола) Артём Коровин вӱдым куэн кайыме дене (байдарке, каноэ) тӱнямбал первенствыште юноши-влак коклаште 1000 метр кужытышто шкет таҥасымаште индешымше верым налын. Сеҥыше деч 14,5 секундлан почеш кодын. 28 июльышто Артём элнан сборныйыштыжо Данил Ветров, Дмитрий Иваник, Дмитрий Моргунов дене пырля таҥасен, 500 метр кужытышто вийжым терген, брозо призёр лийын. […]

УВЕР ЙОГЫН

Марий Эл Республик вуйлатышын стипендийым налше-влак пале лийыныт

Марий Эл Республик вуйлатышын стипендийжым пуымо эксперт советшын заседанийыштыже 2018-2019 ийласе стипендиат-влакын спискыштым пеҥгыдемденыт. Оксам 59 еҥлан пуаш палемдыме. Тушеч 28 еҥ – ссузлаште тунемше (1600 теҥге), 22 еҥ – вузласе студент-влак (2400 теҥге) , 9 еҥ – аспирант-шамыч (3000 теҥге). 

УВЕР ЙОГЫН

Чавайн лӱмеш книгагудо у тӱсым налеш

С.Г.Чавайн лӱмеш национальный библиотекын книгам аралыме оралтыжын леведышыжым ачалаш Марий Эл Республик вуйлатыше ик миллион теҥгем ойырен, палемда Марий Эл Республик вуйлатышын организаций-аналитике виктемже.  Шийвуйндо Марий Эл правительствын шапаш фондшо гыч кая. Тидлан келшыше пунчалыш регион вуйлатыше, Марий Эл правительстве председатель Александр Евстифеев кидпалыжым пыштен. Тӱвыра, печать да калык-влакын пашашт шотышто министерстве велым окса С.Г.Чавайн […]

«МАРИЙ ЭЛ» ТАЧЕ

Подписке – 2018: «Марий Эл» газетын подписчикше лияш йӧнанак.

24 июльышто «Марий Эл» газетлан 2018 ийын икымше пелыжлан возалтше-влак коклаште лотерейым модылтымо. Комиссийыште тӱҥ редакторын пашажым жаплан шуктышо В.Смоленцев, ответственный секретарьын алмаштышыже Е.Тетерина, тазалыкым аралыме да социальный йодыш дене редактор М.Иванова, тӱҥ бухгалтер О.Мочалова да приёмный секретарь К.Фадеева лийыныт. Нунылан бухгалтер Л.Иванова, компьютер вёрстко оператор-влак С.Филина ден А.Алексеева полышкаленыт.