ТОШКАЛТЫШ

Воктенет  – самырык еҥ: «Айдемын ӱмыржым кужемдаш  –  кугу пиал»

Тачысе лаштыкнан унаже  –  Морко район Зеленогорский посёлкын ӱдыржӧ Екатерина Филиппова. Тудо Йошкар-Оласе медицине колледжыште тунемеш. Сайын тунеммыжлан ӱмаште декабрьыште тудо республикын тазалыкым аралыме ончычсо министрже С.Г.Мочалов лӱмеш именной стипендий дене палемдалтын. 

УВЕР ЙОГЫН

Марий Элысе йоча-влак имне ӱмбалне кудалыштме фестивальыште ик эн сай результатым ончыктеныт

Уш дене варашрак кодын вияҥше Савино йоча интернат-пӧртын воспитанникше-влак тазалык шотышто экшык улман еҥ-шамычлан эртаралтше «Шошо таган-2018» («Весенняя подкова-2018») имне ӱмбалне кудалыштме фестивальыште ик эн сай результатым ончыктеныт: кок икымше, кок кокымшо, ик кумшо да индеш нылымше верым налыныт. 

ПЕНСИЙ УВЕР ЙОГЫН

Марий Элысе пенсионер-влаклан пенсийым кечылан ончылгоч пуат

Россий Пенсий фондын Марий Эл Республикысе пӧлкаже пенсийым майыште пуымо графикым увертарен. 9 Май пайрем вашеш Йошкар-Ола, Волжск, Звенигово олаласе, Медведево, Волжский да Звенигово районласе «Доставке службо-влак» 9 майыште тӱлышаш пенсийым 8 майыште кондат. 

МАРИЙ ТӰНЯ

Унчо кундемыште немыч уна-влак лийыныт

Морко районысо Унчо кундемыш пытартыш жапыште турист-влак чӱчкыдынак коштыт. Нуно Тошто марий сурт-печым, вакшым, Янык памашым, Шлань ялысе усталык мастерскойым ончен савырнат. «Акреттӱрын» тӱрлымӧ, вӱдуа дене тодын ышташ туныктымо студийын пашаштым ончен, марий кочкышым, мланде йымач шолын лекше йӱштӧ памаш вӱдым  тамлен, калыкын йӱлаже, тӱвыраже дене лишкырак палыме лийыт. Май пайрем кечылаште Моско гыч толшо […]

СПОРТ

«Ош маска-2018»: Олимпиадыш корно школ гыч тӱҥалеш

Апрель мучаште Йошкар-Оласе «Арена» манежыште «Белая мишка-2018» тазалык спартакиаде лийын. Тудо «Единая Россия», Марий Эл самырык-влакын политикышт, спорт да туризм, Образований да науко министерстве-влакын  полшымышт дене эртен. 

УВЕР ЙОГЫН

Марий Элыште «Шӧртньӧ шайбе» всероссийский турнирым иктешлаленыт

Апрель мучаште Йошкар-Оласе «Марий Эл» ий полатыште «Шӧртньӧ шайбе» всероссийский турнир иктешлалтын. Верысе «Спартак» команде ший медальын озаже лийын. Оза-влак финал марте икымше гана шуыныт.