УВЕР ЙОГЫН

Спорт: Ныл мечым почела

Мини-футбол дене сокыр-влак коклаште Российын сборныйжо тўнямбал чемпионат деч ончыч Италийыште тренировкым эртен. Марий Эл гыч «Спартак» командын модшыжо А.Куклин «Россия-2» командын чапшым арален. Икымше кечын футболист-влак «Россия-1» сборныйым, вес вашлиймаште «Италия-2» командым сеҥеныт, но финалыште сеҥалтыныт. Италий сборныйын капкашкыже Андрей ныл мечым пуртен. 

ЯЛ ИЛЫШ

100 ийлан – шӱдӧ ялыш: Шочмо кундемже верч чон йӱленак тырша, молымат кумылаҥда

Юмылан тау, кажне ялыште илыме верым шотышто кучышаш верч тургыжланыше еҥ-влак улыт. Тошто Торъял, Купсола, Яштрек кундемыште ик эн чолга еҥже – Сергей Волков. Кызыт тудо верысе «Первый май» колхозышто механизаторлан ышта, но чонжо дене шочмо вер-шӧржылан тунар чот кумылан айдеме! Тыгай койышыжо самырыкше годымак палдырнаш тӱҥалын. Икмыняр жап ончыч тудым Купсола ялын старостыжлан сайленыт […]

РУБРИКИ

Тачысе темылан: Тул кӧ улметым, мо улетым огеш ончо

Тул нимом веле огыл, нигӧм огеш чамане. Тыгай туткар лийме деч Юмо кажнынам утарыже. Но шукыж годым еҥ-влак шке титакыштлан кӧра ӱзгар ден арверышт, илыме верышт, вольыкышт, тӱрлӧ погышт деч посна кодыт. Чыла тидым угыч ышташ, уым налаш лиеш. А айдеме ӱмырым от пӧртылтӧ. Кажне еҥ лишылже, палымыже, йолташыже-влаклан шерге. Но кунам йоча кола – […]

ФИНН-УГОР ТӰНЯ

Финн-угор калык-влакын поянлыкышт нерген Йошкар-Олаште мутланеныт

24-25 майыште  Марий кугыжаныш университетыште финн-угор студент-влакын «Финн-угор калык-влакын поянлыкышт» тӱнямбал форумышт визымше гана эртен. Ты гана тушко элнан икмыняр регионжо гыч да вес эл гычат 350 наре студент ден аспирант чумыргеныт. 

ФИНН-УГОР ТӰНЯ

Финн-угор тӱнян моторжым Йошкар-Олаште ойыреныт

25 май. Ныл шагат кас. М.Шкетан лӱмеш национальный драме театрын сценыштыже, мотор калык вургемым чиен, пампалче-влак йӱксыла ийын коштыт. Нуно «Финн-Угрий студенчествын миссше-2018» конкурсышто усталыкым ончыкташ чумыргеныт. Тиде гана мероприятий калык вургемлан пӧлеклалтын.  Тудо вич кече шуйнен. 

КУЛЬТУР ДА ИСКУССТВО

Тӱвыра алан: Вуйлата, йыдалымат пидын мошта

Провой кундемысе Ташнур ял изижак огыл. Йырым-йыр тӱрлӧ пушеҥге-влак кундемым эшеат сӧрастарат. Кермыч дене нӧлтымӧ верысе тӱвыра пӧрт торашкак волгалтеш. Тудым ынде 7 ий чолга марий пӧръеҥ Алексей Дружинин вуйлата. 

КАЛАСЕ, "МАРИЙ ЭЛ"

Йодыш-вашмут: Ургымо пашалан оксам пӧртылташ тореш лийыныт

Шукерте огыл ательешке пиджакым ургаш пуэнам. Куэмжымат шкак налын намиенам. Ямде вургемым налме годым шинчашкем пиджакын подкладыштыже утюг дене йӱлалтыме палым ужын шуктенам. Мый ургымо услугылан да материалым локтылмылан оксам пӧртылташ йодынам. Но ателье пашаеҥ-влак мыланем локтылмо материалын акшым гына пӧртылтеныт, ургымо пашалан тидым ышташ тореш лийыныт. Закон почеш нуно чын ыштеныт мо?