«МАРИЙ ЭЛ» ТАЧЕ

Войзалтса: Роза пеледыш воктене…

Тыгай кугу роза пеледыш воктене фотош войзалташ кӧ ок келше?! Ӱдыр да ӱдырамаш-влак нергенже ойлыманат огыл – нуно тыгай пеледыш ончылно шкештат пеледышыш савырнат. Адакше тидлан, «Марий Эл» газет редакцийыш толын войзалтмылан, улыжат 50 теҥгем тӱлыман. Пеленда флешкым гына кондыза – войзен колтат. А фотом вара шке кеч-кушто ыштыктен кертыда. 

РУБРИКИ

Йоча суртыш ямым пурта

Памаш вӱд эҥерым арала, шочшо йоча тукымым шуя. Ончыкылык тукым ӱшанле да пеҥгыде лийже манын, кугезына-влак шке уш-акылыштым да вийыштым моштен кучылтыныт, тӱрлӧ ойӧрым шуктен шогеныт. Ойӧрӧ-влак аван шӱм йымалне улшо изи айдемым саклаш, шочшо азам осал деч, шинча вочмо деч, тӱрлӧ чер деч аралаш полшеныт. 

МАРИЙ ТӰНЯ ШКОЛ ЙОЛГОРНО

Олимпиаде: «Шочмо йылме эн шерге пого»

Тыге ойленыт Марий кугыжаныш университетыште эртыше марий йылме, литератур дене республик да регион кӱкшытан олимпиадыш мийыше ӱдыр-рвезе-влак.  Республикысе олимпиадыште уш-акылым 115 ӱдыр-рвезе терген гын, регион-влак кокласе олимпиадыште – 17 тунемше. Регион-влак кокласышкыже Башкортостан (7 еҥ), Татарстан республикла (2 еҥ), Свердловск область (2 еҥ) гычат тунемше-шамыч толыныт. 

РУБРИКИ

Йочан пӱрымашыже: «Авай, тый улат да каважат канде, кечыжат шокшырак»

– Пс-пс-пс, – ойла Даша да пырысигым кидышкыже налеш, – Тудын чын лӱмжӧ — Саша, а мӧҥгыштӧ Тушканчик манына. Тудо вачӱмбаке тӧрштылаш моткоч йӧрата, сандене тудлан тыгай лӱмым пуэнам. Пырысиге куанышыла, озажын шинчашкыже онча, тудым кидыш налмым вуча. Тыге кажне гана: я школ деч вара, я каныш кечылаште – Даша пырысиге дене модеш. 

ПАТЫРЛЫК

Онар тукым: Виян, патыр, таза лияш…

Таче газетнан унаже – комплексный   единоборство дене Российын спорт мастерже, тиде вид денак тренер А.Шабердин. Александр Васильевич Шернур кундемысе Кугу Мушко ялыште шочын-кушкын. Ончыч вольный кучедалмашлан кумылаҥын. Варажым кучедалмашын моло видше денат сай результатым ончыктен.