СПОРТ

Ялысе спорт: Латшымше номеран легенде

Морко районысо Унчо кундемыште таза илыш-йӱла верч тыршымаш эреак ончыл верыште лийын да кызытат тыгак. Спортым йӧратыше да пагалыше-влак кокла гыч Хмелёвым палемдаш лиеш. Вениамин Семенович – ура чонан, марий шӱлышан пӧръеҥ. Тудо кеч-могай пагытыштат капкылым шуараш жапым да йӧным муэш. Куржталмаштат, ече дене таҥасымаштат, хоккей дене модмаштат тудо – ик эн тале коклаште. Хоккей тӱняште 17-ше […]

ЭКОЛОГИЙ

Тачысе темылан: Пум яра ойыраш тӱҥалыт

«Марий Эл Республикын чодыра отношений областьыште полномочийжым илышыш шыҥдарыме нерген» Марий Эл Республикын 2007 ий 31 майысе законжо дене келшышын, граждан-влаклан олташ, оралтым олмыкташ, нӧлташ да моло кӱлешлан, аукционым эртарыме деч посна ужалыме-налме ойпидыш почеш тыгай кугыт чодыра ойыралтеш: – 200 кубический метр пушеҥге – илыме пӧртым да озанлык оралтым чоҥаш 25 ийлан ик гана; […]

ЯЛОЗАНЛЫК

Ой-каҥаш аршаш: Чапле нӧшмӧ – пел лектыш

Календарь почеш шошо толын гынат, уремыште эше йӱштӧ, лум кия. Сад-пакча тургым мартеат жап эше уло. Но южо окнаште эр-кас еда йошкар але канде тӱсан тул коеш. Тиде сад-пакчазе-влак росоталан ешартыш волгыдым пуат. Нине еҥ тӱшка декабрь-январьыште изишак каналтен шукта ала уке – у тургымым тӱҥалеш веле: тӱрлӧ рок вартышым, йоҥгытым ямдыла, кушкыл нӧшмым ӱда, […]

УВЕР ЙОГЫН

Ялозанлык: Еҥ ойго дене пиалан от лий гынат…

Евразийский экономический ушемын да Россий Федерацийын ветеринарно-санитарный йодмашыштым ик гана веле огыл пудыртымылан кӧра Россельхознадзор 26 февраль гыч элышкына Белоруссийыште ыштен лукмо шӧр кочкышым пурташ чарен.