АНОНС

Конкурс: Шошо ӱдыр

Шушаш кугарнян, 2 мартыште, У Торъял поселкысо тӱвыра да каныме рӱдерыште «Шошо мисс-2018» шоу-программе эрта. Тудо шошо толмылан да тудым вашлиймылан пӧлеклалтеш. Но эн тӱҥжӧ – ӱдыр-влак «Шошо мисс» лӱмым налшаш верч таҥасаш тӱҥалыт. Мероприятийыште тыгак поселкысо тӱвыра да каныме рӱдерын, йоча искусство школын, йочасад-влакын коллективлашкышт коштшо ӱдыр-рвезе-шамыч мурышт да куштымашышт дене куандарат. Л.Камалетдинова.

УВЕР ЙОГЫН

Пайрем вашеш – у илыме вер!

22 февральыште Россий ФСИН-ын Марий Элысе управленийжын конференц-залыштыже Шочмо элым аралышын кечыжлан пӧлеклалтше пайрем эртен. Ведомствын чыла пашаеҥжым, поснак, мутат уке, пӧръеҥ-шамычым, управлений начальник Сергей Евтушенко саламлен, палдара Марий Элысе УФСИН-ын пресс-службыжо. 

УВЕР ЙОГЫН

Шекланыза: грипп!

Кодшо арнян Марий Элыште ОРВИ дене 4962 еҥ черланен. Пӱсӧ респираторный вирусан инфекций да грипп дене черланыме чот эпидемий лондемым 20 процентлан вончен. Йоча-влак коклаште 3-6 ияш икшыве-шамыч поснак шукын черланеныт. Роспотребнадзорын данныйже почеш, Йошкар-Олаште илыше ик еҥ А Гонконг (Н3N2) да Морко районышто илыше ик еҥ В грипп дене черланеныт. Коктынат грипп дечын прививкым […]